【別再混淆】舊世界3V葡萄 | Verdicchio (意) Verdejo (西) Vinho Verde (葡) | 青提 綠葡萄 綠酒 | Fino Vino HK
今次同大家簡單介紹呢三個以V開頭嘅葡萄酒名詞：Verdicchio、Verdejo、Vinho Verde。有唔少酒友都曾經混淆過，或者誤會佢哋好似Pinot嘅家族一樣，係一系列嘅變異品種。但實際上，呢三者之間並無親戚關係，而佢哋分別係嚟自三個舊世界國家嘅三款白葡萄酒。Verdicchio係意大利嘅原生葡萄、Verdejo係西班牙嘅原生葡萄，而Vinho Verde，就係葡萄牙最大嘅法定產區—綠酒產區 (Vinho Verde DOC)。呢三個拉丁語系嘅名詞都源自於同一個字：Verde。呢個字喺三種語言裏面雖然一樣含有綠色、清新嘅意思，但其實三款葡萄酒嘅風格可以話係截然不同。
【Verdicchio】
Verdicchio係白葡萄，源自意大利中部，主要種植於風土條件極為優厚嘅Le Marche地區，而當地最著名嘅產區就係以呢款葡萄命名嘅Verdicchio dei Castelli di Jesi DOC。Verdicchio 天然酸度高，帶有青蘋果、檸檬、甚至茴香/草本植物味道、口感簡單，果味濃郁，而經過樽内陳年之後，更加會散發出蜂蜜同杏仁嘅味道。
【Verdejo】
Verdejo 係白葡萄，源自西班牙西北部Rueda地區，係一種非常容易氧化嘅品種，所以昔日經常被用於釀造雪莉酒 Jerez (亦即係 Sherry wines)。而透過抗氧化保護嘅釀酒方式，Verdejo可以釀造出酒體輕盈、酸度中高，帶蜜瓜和水蜜桃風味嘅風格，而經過酒泥陳釀同埋桶內發酵之後，更會帶嚟烘烤麵包香氣同增添複雜性。
【Vinho Verde】
Vinho Verde同之前提及兩個名詞唔同，佢唔係單一嘅葡萄品種，而係葡萄牙西北部、靠近大西洋嘅一個法定產區，由葡萄牙文直譯就係「綠酒」。為方便起見，綠酒亦都逐漸成為呢個產區葡萄酒嘅代名詞，風格以年輕、清新為主。呢度出產多款當地原生葡萄 (如Arinto、 Loureiro、Trajadura、Alvarinho等等)，Vinho Verde 綠酒通常酒體輕盈、略帶微氣泡、酒精含量較低、酸度高，帶有青蘋果同青檸的風味，係夏天嘅絕佳選擇。
如果你有興趣品嚐意大利Verdicchio、西班牙Verdejo、葡萄牙Vinho Verde當中嘅任何一款酒，請去下面留言區嘅連結睇睇。
#verdicchio #意大利白葡萄酒 #lemarche地區 #verdicchiodeicastellidijesiDOC #天然酸度 #瓶內陳年 #verdejo #西班牙白葡萄酒 #rueda地區 #容易氧化 #釀造雪莉酒 #sherrywines #酒體輕盈 #酸度中高 #酒泥陳釀 #烘烤麵包香氣 #複雜性 #vinhoverde #葡萄牙白葡萄酒 #葡萄牙綠酒產區 #arinto #loureiro #trajadura #alvarinho #青檸味 #微氣泡 #低酒精含量 #夏天絕佳選擇 #三款白葡萄酒 #舊世界葡萄酒 #拉丁語系 #verde字源 #葡萄酒風格 #葡萄品種 #finovino #葡萄酒頻道 #youtube葡萄酒 #verdicchio品種介紹 #verdejo品種介紹 #vinhoverde品種介紹 #verdicchio風土條件 #西班牙葡萄酒文化 #意大利葡萄酒文化 #綠色葡萄酒 #清新葡萄酒 #年輕葡萄酒 #葡萄酒知識 #verdicchio陳年 #verdejo陳釀 #vinhoverde產區介紹 #finovinohk #維岱荷 #維迪奇 #綠酒 #3v白酒 #3v葡萄酒 #3v