【意大利世一花香紅酒】Lacrima | 淚滴紅酒 | 眼淚之酒 | 香水葡萄 | 紅酒花香世一 | Fino Vino HK
Lacrima係嚟自意大利Le Marche地區一款極度芳香、自身花香有如香水般嘅葡萄品種 。「Lacrima」喺意大利文係解作「眼淚」嘅意思，呢個充滿詩意嘅名，正正反映咗佢嘅特性，因為Lacrima嘅葡萄皮非常薄，喺成熟嘅時候，葡萄皮容易破裂，滲出汁液，就好似淚水一樣。由於呢個特性，葡萄嘅採收必須經過嚴格挑選，同埋喺短時間内完成。由佢所釀製嘅紅酒，全名叫做 Lacrima di Morro d'Alba DOC，同時亦係產區嘅名稱。
Lacrima嘅歷史可以追溯到12世紀，早喺1167年，當時神聖羅馬帝國腓特烈一世，喺佔據Ancona嘅期間，就喺Morro d'Alba城堡飲過Lacrima釀造嘅酒。不過，呢款酒差啲就因為葡萄難以生長同採收而喺歷史中消失，直到1980年代，一批釀酒師重新發現咗佢嘅獨特之處。Lacrima葡萄以往會喺意大利中南部廣泛種植，但現今主要只會喺港口城市Ancona附近嘅Morro d'Alba種植。
Lacrima葡萄比較細粒、深色、果皮非常之薄同埋脆弱。而脆弱嘅果皮賦予咗葡萄獨特嘅芳香，喺Morro d'Alba產區以外幾乎搵唔到類似嘅品種。Lacrima同所有紅酒相比最出衆之處，莫過於佢嘅花香極為豐富而明顯，通常可以同時感受到紫羅蘭、玫瑰花、薰衣草、天竺葵等花香，再加上一股成熟嘅車厘子、野莓果香。入口之後，會感受到清新嘅酸度、柔和嘅單寧。呢款酒喺香氣強度、複雜性、同優雅之間可以話係取得完美平衡。
釀造Lacrima係一門藝術，葡萄必須以人手去採收，因為Lacrima葡萄表皮好脆弱，需要小心處理，同篩選健康嘅葡萄。發酵過程喺不銹鋼桶內進行，以保留濃郁嘅花香同果香。
產區當地部分新派釀酒師喺釀造Lacrima嘅時侯，會混合少量嘅Montepulciano同Verdicchio，將Le Marche最經典嘅葡萄特性混入同一支酒裏面，但係好多釀酒師至今仍然會堅持傳統，用上100% Lacrima葡萄，確保每一支酒都能夠保持佢獨特嘅芳香同風味。著名出產Lacrima嘅酒莊有Velenosi嘅Querci'Antica，仲有Marotti Campi。每個莊雖然都有佢哋自己嘅風格，但共通點係佢哋都能夠完美保留Lacrima葡萄自身嘅各種芳香。當中Velenosi酒莊嘅Querci'Antica品牌，Lacrima Di Morro d'Alba DOC Superiore 更榮獲意大利權威酒評家Luca Maroni評為所有Lacrima紅酒當中嘅第一名。呢款酒係以不鏽鋼桶熟成，呈現出均衡而清新嘅口感，適合隨時飲用。
喺夏天飲用Lacrima，建議先放入雪櫃30分鐘，稍為冷凍後飲用，咁樣可以完美展現佢獨特嘅芳香同風味。無論你係資深嘅酒友定係葡萄酒初哥，Lacrima 獨特芳香同豐富嘅味道，必定會帶畀你一次難忘嘅品酒體驗。
Lacrima紅酒當中嘅第 1 名，請到此訂購：
#lacrima #花香紅酒 #淚滴紅酒 #意大利紅酒 #lemarche #marche #葡萄酒 #lacrima葡萄 #lacrima #紅酒 #morrodalbai #finovino #finovinohk #淚滴紅酒 #眼淚之酒 #香水葡萄 #花香紅酒 #拉奎瑪